SASS

Sóknaráætlun Suðurlands er sértæk byggðaáætlun fyrir Suðurland og jafnframt samheiti yfir samning landshlutasamtakanna við hið opinbera um fjármögnun sóknaráætlunar og Uppbyggingarsjóðs Suðurlands. Sóknaráætlun Suðurlands byggir á lögum um byggðaáætlun og sóknaráætlanir landshluta nr. 69/2015.

Sóknaráætlanir liggja fyrir í öllum átta landshlutunum og gildir nýjasta áætlunin út árið 2024 og er unnið að gerð nýrrar áætlunar fyrir 2025-2029. Sóknaráætlanirnar fela í sér stöðumat, framtíðarsýn, markmið og aðgerðir og eru þær unnar í víðtæku samráði heimamanna. Áhersluverkefni og verkefni styrkt af Uppbyggingarsjóðum taka mið af áherslum sóknaráætlunar í hverjum landshluta.