SASS

STARFSFÓLK ART

SAMSTARFSAÐILAR SASS

Samtök sunnlenskra sveitarfélaga er með samstarfssamninga við þekkingarsetur, stofnanir og sérfræðinga vítt og breitt um Suðurland. Samstarfsaðilarnir vinna ýmist sem byggðaþróunarfulltrúar á sínum svæðum, að áhersluverkefnum fyrir Sóknaráætlun eða í öðrum sérverkefnum. Þær stofnanir sem eru í samstarfi við SASS eru Háskólafélag Suðurlands, Markaðsstofa Suðurlands, Þekkingarsetur Vestmannaeyja, Kötlusetur, Kirkjubæjarstofa og Nýheimar þekkingarsetur. 

BYGGÐAÞRÓUNARFULLTRÚAR

Á Suðurlandi er unnið að því að starfi sjö byggðaþróunarfulltrúar á vegum SASS, á jafn mörgum starfssvæðum, sem afmarkast við skilgreiningu atvinnusóknarsvæða á Suðurlandi. Byggðaþróunarfulltrúi styður við þróun byggðar á sínu starfssvæði með virkri þátttöku hagaðila, s.s. íbúa, sveitarfélaga og SASS. Starfið grundvallast á samningi við Byggðastofnun, Sóknaráætlun Suðurlands og eftir atvikum stefnumörkun svæðis út frá þeim málefnasviðum sem honum tengjast með áherslu á byggðaþróun og þá sérstaklega; nýsköpun, atvinnuþróun og menningarmál.

Hlutverk byggðaþróunarfulltrúa er m.a.:

• veitir ráðgjöf og handleiðslu til einstaklinga, frumkvöðla, stofnana, félagasamtaka og fyrirtækja um þróun verkefna og fjármögnun þeirra, s.s. á sviði atvinnuþróunar, nýsköpunar og menningar.
• stendur fyrir/eða á í samstarfi um fræðslu og/eða þjálfun fyrir frumkvöðla, framleiðendur og fyrirtæki, s.s. í formi námskeiða, fyrirlestra eða tengslamyndunar
• vinnur að þekkingar- og upplýsingamiðlun um stoðkerfi atvinnuþróunar, nýsköpunar og menningar og um rannsóknir og greiningar sem eiga við svæðið
• safnar og greinir upplýsingar um þróun byggðar, s.s. á sviði atvinnulífs, búsetuþróunar og búsetuþátta
• hvetur íbúa, fyrirtæki og félagasamtök til verkefnaþróunar og þátttöku í samstarfsverkefnum og vinnur að tengslamyndun við hagaðila innan og utan svæðis
• safnar og miðlar upplýsingum um hverskonar aðstöðu, s.s. fyrir listsköpun, vöruþróun, nýsköpun, viðburðarhald og óstaðbundin störf
• styður við stefnumörkun svæðisins/sveitarfélaga á sviði atvinnu- og byggðaþróunar og eftir atvikum framfylgd einstakra aðgerða
• vinnur að og þróar svæðisbundin verkefni að eigin frumkvæði og í samstarfi við hagaðila

MÝRDALSHREPPUR

VESTMANNAEYJAR

HORNAFJÖRÐUR

ÁRNESSÝSLA – NEÐRI HLUTI