Stjórn SASS hefur fjallað um tillögur fagráðs atvinnuþróunar og nýsköpunar annars vegar og fagráðs menningar hins vegar um úthlutun verkefnastyrkja úr Uppbyggingasjóði Suðurlands. Um er að ræða fyrri úthlutun sjóðsins árið 2025. Umsóknir voru samtals 122, í flokki atvinnuþróunar- og nýsköpunarverkefna bárust 31 umsóknir og 91 í flokki menningarverkefna.
Að þessu sinni var 42,120,000 kr. úthlutað, 16,300,000 kr. til 11 verkefna í flokki atvinnuþróunar og nýsköpunar og 25,8 m.kr. til 53 verkefna í flokki menningar. Samtals eru veittir styrkir til 64verkefna.
Hæstu styrkina í flokki menningarverkefna hlutu að þessu sinni Sumartónleikar Skálholtskirkju fyrir verkefnið 50 ára afmæli Sumartónleika í Skálholti sem hlýtur 1.5 m.kr., Sinfóníuhljómsveit Suðurlands fyrir verkefnið Jólatónleikar Sinfóníuhljómsveitar Suðurlands 2025 sem hlýtur 1 m.kr. og Hlynur Pálmason fyrir verkefnið ÞRIGGJA VETRA sem hlýtur 900. þúsund kr. Sumartónleikarnir í Skálholti halda upp á 50 ára afmæli, með lengri hátíð, fjölbreyttri dagskrá fyrir fjölskyldur og börn og heimsfrægum tónlistarflytjendum úr heimi barokktónlistarinnar. Sinfóníuhjómsveit Suðurlands heldur jólatónleika í Selfosskirkju laugardaginn 29. nóvember. Á tónleikunum koma m.a. fram Barna- og unglingakór Selfosskirkju, Valgerður Guðnadóttir sópran og Jóhann G. Jóhannsson leikari, auk nemenda úr Tónlistarskólum á Suðurlandi. ÞRIGGJA VETRA er kvikmyndaverk sem er tekið upp á þremur árum og segir frá málara sem er í því ferli að mála sitt hingað til stæðsta ólíuverk úti í náttúrunni.
Hæstu styrkina í flokki atvinnuþróunar og nýsköpunar hlutu að þessu sinni Grænlaut nýsköpun ehf fyrir verkefnið (steam) Blast the Bast, Midbik ehf fyrir verkefnið Markaðssókn Midbiks 2.0 og Valorka ehf fyrir verkefnið Sjávarfallahverfill, fá verkefnin hvert um sig styrk að upphæð 2.5 m.kr. (steam) Blast the Bast er rannsóknar- og þróunarverkefni sem kannar notkun jarðvarma-knúnrar gufusprengingatækni til að vinna basttrefjar úr íslenskum plöntum eins og lúpínu, hampi og hör fyrir margs konar textílnotkun. Verkefnið Markaðssókn Midbiks 2.0 snýr að því að greina markað, ýtarleg kynning á umhverfisvænni framleiðslu fyrirtækisins, auglýsa vöruna. Verkefnið Sjávarfallahverfill snýr að því að þróa nýja gerð hverfils til nýtingar á sjávarfalla orku, sem er umfangsmikil ónýtt orkuauðlind; hér við land og víða um heim. Valorka er eini þróunaraðilinn hérlendis á þessu sviði, en víða um heim er slík þróun í gangi. Þessi nýi hverfill Valorkuu er léttur og einfaldur og fær um að safna orku hægra strauma af stóru svæði. Þróun og prófanir munu fara fram á Suðurlandi.
Lista yfir öll verkefni sem hlutu styrk má sjá hér.
