Stjórn SASS samþykkti eftirfarandi ályktun á fundi sínum sl. föstudag:
,,Stjórn SASS leggur mikla áherslu á að nýju fangelsi sem fyrirhugað er að reisa verði valinn staður í tengslum við núverandi ríkisfangelsi á Litla-Hrauni. Áratugahefð er fyrir starfsemi fangelsis á Litla-Hrauni í góðri sátt við samfélagið. Mikil þekking og reynsla er þar fyrir hendi auk þess sem landrými er nægt. Einnig er ljóst að hagkvæmara er að auka við núverandi starfsemi þar sem sameiginleg stoðþjónusta og aðstaða nýtist en að koma á fót nýrri stofnun. Þá hefur Sveitarfélagið Árborg lýst sig reiðubúið til samstarfs við ríkisvaldið um frekari uppbyggingu. Stjórn SASS skorar á dómsmálaráðherra að taka tillit til þessara sjónarmiða þegar ákvörðun verður tekin um staðsetningu fangelsins.”
Ályktunin hefur verið send dómsmálaráðherra.