SASS

Byggðastofnun, HMS, háskóla-, iðnaðar- og nýsköpunarráðuneytið, Samtök iðnaðarins og SASS stóðu á dögunum fyrir opnum fundum á Selfossi og Höfn í Hornafirði um atvinnuuppbyggingu og þróun íbúðamarkaðar á Suðurlandi. Fundirnir voru hluti af fundaröð Byggðastofnunar, HMS, Háskóla-, iðnaðar- og nýsköpunarráðuneytisins, Samtaka iðnaðarins og landshlutasamtakanna á hverju landsvæði. 

Á fundinum var farið yfir stöðu á íbúðamarkaði Suðurlands, stafræn byggingarleyfi, Lóu nýsköpunarstyrki, hagkvæmni og skilvirkni í íbúðauppbyggingu og þau lánaúrræði sem standa til boða bæði hvað varðar rekstur og uppbyggingu íbúða á landsbyggðinni. Bjarni Guðmundsson framkvæmdastjóri SASS impraði í erindi sínu á hlutverki byggðaþróunarfulltrúa á hverju atvinnusóknarsvæði á Suðurlandi. Byggðaþróunarfulltrúar sinna t.d. ráðgjöf til frumkvöðla sem eru að leitast við að fjármagna verkefni sín, t.d. með umsókn í Lóu sjóðinn eða til lánadeildar Byggðastofnunar. Endilega kynnið ykkur hver er ykkar byggðaþróunarfulltrúi hér. 

Hér má sjá dagskrá fundanna, undir hverjum lið er að finna kynningar hvers og eins í pdf útgáfu.

Tækifæri og áskoranir á Suðurlandi (.pdf)
Bjarni Guðmundsson, framkvæmdastjóri SASS

Staða íbúðauppbyggingar (.pdf)
Elmar Erlendsson, framkvæmdastjóri hjá HMS

Stafræn byggingarleyfi (.pdf)
Hugrún Ýr Sigurðardóttir, verkefnastjóri hjá HMS

Lánastarfsemi Byggðastofnunar (.pdf)
Guðbjörg Óskarsdóttir og Pétur Friðjónsson, sérfræðingar hjá Byggðastofnun

Nýsköpunarstyrkir fyrir landsbyggðina (.pdf)
Lóa Auðunsdóttir, sérfræðingur hjá HVIN

Aukum hagkvæmni og skilvirkni í íbúðauppbyggingu (.pdf)
Friðrik Ágúst Ólafsson, viðskiptastjóri hjá SI

Bjarni Guðmundsason á fundinum á Höfn í Hornafirði