618. fundur stjórnar SASS
Haldinn í fjarfundi á Teams
24. janúar 2025, kl. 12:30-14:00
Þátttakendur: Anton Kári Halldórsson formaður, Sandra Sigurðardóttir, Árni Eiríksson, Brynhildur Jónsdóttir, Jóhannes Gissurarson, Sigurbjörg Jenný Jónsdóttir, Gauti Árnason og Helga Jóhanna Harðardóttir. Arnar Freyr Ólafsson kom til fundar undir dagskrárlið 7 og til loka fundarins. Anton Kári Halldórsson ritaði fundargerð.
Formaður býður fundarmenn velkomna á fundinn.
1. Innra starf SASS – Upplýsingar um stöðu mála
Formaður fór yfir stöðuna varðandi innra starf SASS undanfarin misseri. Talsverðar umræður sköpuðust um hlutvertk og tilgang SASS og hvort æskilegt væri að nýta tækifærið og rýna þörf á breytingum á fyrirkomulagi samtakanna, þeim til góðs. Formanni falið að boða til upplýsingafundar með stjórn SASS, bæjar- og sveitarstjórum og oddvitum aðildarsveitarfélaga sem fyrst.
2. Samningur við Auðnast – Ráðgjöf og eftirfylgni áhættumats
Stjórn felur formanni að ganga til samninga við Auðnast um ráðgjöf, handleiðslu og eftirfylgni áhættumats byggt á fyrirliggjandi gögnum og í samræmi við umræður á fundinum.
3. Ráðning framkvæmdastjóra SASS
Stjórn felur formanni að hefja undirbúning á ráðningu nýs framkvæmdastjóra. Óskað verði eftir tilboðum frá ráðningarskrifstofum til að halda utan um ráðningarferlið. Stjórn leggur jafnframt til að áherslur vegna auglýsingar starfsins verði ræddar á upplýsingafundi með sveitarstjórum og oddvitum aðildarsveitarfélaga.
4. Samningur um sóknáráætlun Suðurlands 2025-2029
Stjórn samþykkir samninginn og felur formanni að undirrita hann fyrir hönd SASS. Formleg undirritun fer fram þann 28. janúar 2025.
5. Skipan í stjórn Orkídeu
Þar til að nýr framkvæmdastjóri SASS verður ráðinn til starfa, samþykkir stjórn að eftirfarandi aðilar verði tilnefndir í stjórn Orkídeu, Árni Eríksson sem aðalmaður og Brynhildur Jónsdóttir sem varamaður
6. Staðfesting á stjórn SASS
Stjórn SASS staðfestir eftirfarandi aðal- og varamenn í stjórn samtakana sem tilnefndir voru og samþykktir á aðalfundi þann 31. október 2024.
Aðalmenn:
Gauti Árnason, Sveitarfélagið Hornafjörður
Jóhannes Gissurarson, Skaftárhreppur
Anton Kári Halldórsson, Rangárþing eystra
Helga Jóhanna Harðardóttir, Vestmannaeyjabær
Árni Eríksson, Flóahreppur
Brynhildur Jónsdóttir, Sveitarfélagið Árborg
Arnar Freyr Ólafsson, Sveitarfélagið Árborg
Sandra Sigurðardóttir, Hveragerðisbær
Sigurbjörg Jenný Jónsdóttir, Sveitarfélagið Ölfus
Varamenn:
Eyrún Fríða Árnadóttir, Sveitarfélagið Hornafjörður
Einar Freyr Elínarson, Mýrdalshreppur
Margrét Harpa Guðsteinsdóttir, Rangárþing ytra
Eyþór Harðarson, Vestmannaeyjabær
Jón Bjarnason, Hrunamannahreppur
Bragi Bjarnason, Sveitarfélagið Árborg
Ellý Tómasdóttir, Sveitarfélagið Árborg
Halldór Benjamín Hreinsson, Hveragerðisbær
Erla Sif Markúrsdóttir, Sveitarfélagið Ölfus
Formaður: Anton Kári Halldórsson Rangárþingi eystra
Varaformaður: Sandra Sigurðardóttir, Hveragerðisbær
7. Ákvörðun um prókúru SASS
Stjórn samþykkir að veita formanni, Antoni Kára Halldórssyni prókúru fyrir Samtök sunnlenskra sveitarfélaga.
8. Breikkun Hringvegarins Selfoss- Þjórsá
Lagt fram til kynningar erindi Vegagerðarinnar þar sem SASS er tilkynnt um að hafin sé vinna við undirbúning á breikkun Hringvegarins Selfoss-Þjórsá sem er á þingsályktunartillögu að samgönguáætlun. Stjórn SASS fagnar því að umrædd framkvæmd sé komin á dagskrá, en framkvæmdin var jafnframt ein af ályktunum sem gerðar voru á ársþingi samtakanna sl. haust. Stjórn SASS hvetur framkvæmdaaðila til að huga að umferðaröyggi eftir fremsta megni við hönnun gatnamóta við umferðarþunga vegi. Í ljósi tíðra slysa undanfarin misseri er ljóst að gera þarf mikla
bragabót við mörg gatnamót t.d. með gerð hringtorga eða mislægra gatnamóta.
9. Önnur mál
Rætt um fundarplan stjórnar. Formanni falið að boða fundi samkvæmt fundaplani sem áður hefur verið samþykkt.
Rætt um stöðuna á ráðningu farsældarfulltrúa. Formanni falið að afla upplýsinga og koma málinu áfram í farveg
Fleira ekki gert og fundi slitið kl. 14.00
Anton Kári Halldórsson
Árni Eiríksson
Brynhildur Jónsdóttir
Sigurbjörg Jenný Jónsdóttir
Sandra Sigurðardóttir
Jóhannes Gissurarson
Gauti Árnason
Helga Jóhanna Harðardóttir
Arnar Freyr Ólafsson