SASS

Markmið

Markmiðið er að afla upplýsinga um viðhorf íbúa á Suðurlandi gagnvart ferðaþjónustu og greina þannig þolmörk íbúa gagnvart ferðamönnum og ferðaþjónustu út frá hinum ýmsum þáttum í innviðum samfélagsins. Markmiðið með að afla þeirra upplýsinga er til stöðumats og forsenda til ákvarðanatöku til að bregðast við ef þurfa þykir.

Verkefnislýsing

Vinna á þolmarkarannsókn út frá viðhorfum íbúa á Suðurlandi til ferðamanna og ferðaþjónustu, vinna að skýrslugerð og kynna niðurstöðurnar. Í kjölfar hins mikla vaxtar sem átt hefur sér stað í ferðaþjónustu hafa viðhorf og hugsanleg þolmörk verið mikið til umræðu. Nauðsynlegt er að vöxtur í ferðaþjónustu eigi sér stað í sátt við íbúa og samfélagið. Upplýsingarnar geta orðið gagn við ákvarðanatöku til að bregðast við þar sem þörf er á svo ferðaþjónustan geti byggst upp í sátt við íbúa á Suðurlandi.

Lokaafurð

Skýrsla sem nýtist til ákvarðanatöku varðandi áherslur tengdar ferðamálum á Suðurlandi

Nýr veruleiki í mótun? (.pdf)

Tengsl við sóknaráætlun

Verkefnið tengist sóknaráætlun á eftirfarandi sviðum:

• Auka samvinnu á milli sveitarfélaga í sem flestum málefnum
• Vinna að heildrænni kortlagningu á náttúru, mannauði og menningu á suðurlandi og draga fram sérstöðu einstakra svæða
• Skapa jákvæða ímynd af Suðurlandi sem byggir á gæðum og hreinleika