Kvenkyns frumkvöðlar og fyrirtækjaeigendur athugið: Opið fyrir umsóknir í Svanna-lánatryggingasjóð kvenna

Nú er opið fyrir umsóknir í Svanna-lánatryggingasjóð kvenna. Sjóðurinn, sem er starfræktur í samstarfi við Landsbankann, hefur það hlutverk að styðja við nýsköpun og atvinnuþátttöku kvenna með því að veita lán með lánatryggingum til fyrirtækja sem eru alfarið í eigu kvenna. Samtök sunnlenskra sveitarfélaga (SASS) hvetja sunnlenskar athafnakonur eindregið til að kynna sér þessa fjármögnunarmöguleika.

Hámarkslán og skilyrði atvinnusköpunar

 Eingöngu fyrirtæki í eigu konu eða kvenna eiga rétt á að sækja um lánatryggingu í sjóðinn. Hámarkslán úr sjóðnum nemur 15 milljónum króna og gerð er rík krafa um að verkefnið feli í sér skýra atvinnusköpun.

Hægt er að sækja um lánatryggingu vegna eftirtalinna þátta í rekstri:

• Markaðskostnaður.
• Vöruþróun.
• Nýrra leiða í framleiðslu eða framsetningu á vöru eða þjónustu.

Umsóknarfrestur til 15. október

Í markmiðum sjóðsins kemur fram mikilvægi þess að stuðla að aukinni hlutdeild kvenna sem eigenda og stjórnenda smærri fyrirtækja og að hvetja jaðarhópa kvenna, svo sem innflytjendur, til virkrar þátttöku í íslensku atvinnulífi. Einnig býður sjóðurinn upp á ráðgjöf til umsækjenda varðandi ábyrgð sjóðsins á lánum.

Umsóknarfrestur um lán með lánatryggingu er til 15. október 2026.

Umsóknum verður að fylgja greinargóð viðskiptaáætlun ásamt ítarlegum fjárhagsupplýsingum og endurgreiðsluáætlun. Öll nánari gögn, lánareglur og umsóknareyðublöð er að finna á heimasíðu sjóðsins, Svanni.is.