Verkefnisstjóri farsældarráðs á Suðurlandi

Verkefnisstjóri farsældarráðs á Suðurlandi

Vilt þú eiga þátt í mótun og innleiðingu farsældar barna?

Langi þig að vinna í lifandi umhverfi að mikilvægum og fjölbreyttum verkefnum sem auka lífsgæði í samfélaginu á Suðurlandi, þá er þetta starfið fyrir þig.

Við leitum að jákvæðum og skipulögðum verkefnisstjóra sem á auðvelt með samskipti við ólíka aðila.

Samtök sunnlenskra sveitarfélaga (SASS) auglýsa eftir verkefnisstjóra farsældarráðs. Markmið verkefnisins er að koma á farsældarráði á Suðurlandi í þágu farsældar barna. Verkefnið byggir á samningi milli SASS og mennta- og barnamálaráðuneytisins. Um fullt starf er að ræða og er ráðningin tímabundin til tveggja ára.

Helstu verkefni og ábyrgð

• Virkt samráð við sveitarfélögin og starfsfólk sem bera ábyrgð á innleiðingu farsældar
• Virkt samráð við svæðisbundna þjónustuveitendur á vegum ríkis og sveitarfélaga
• Ná yfirsýn yfir þjónustu við börn í hverju sveitarfélagi með kortlagningu
• Mótun aðgerða, verkferla, tíma- og verkáætlana með það að markmiði að koma á svæðisbundnu farsældarráði
• Stuðla að því að fyrir lok tímabilsins hafi farsældarráð hafið störf og unnið fyrstu áætlun um svæðisbundna forgangsröðun aðgerða um farsæld barna til fjögurra ára
• Umsjón með verkframvindu, fundum og öðrum störfum farsældarráðs
• Taka þátt í mótun tengslanets farsældarmála milli landshlutasamtaka sveitarfélaga og annað sem fellur að tilgangi verkefnisins

Menntunar- og hæfniskröfur

• Háskólamenntun sem nýtist í starfi
• Framhaldsnám og/eða starfsreynsla í verkefnisstjórnun og teymisvinnu kostur
• Farsæl reynsla og þekking á velferð barna
• Reynsla innan stjórnsýslu sveitarfélaga eða ríkis er kostur
• Frumkvæði, sjálfstæð vinnubrögð og lausnamiðuð hugsun
• Hæfni í mannlegum samskiptum

Starfsstöð er óháð staðsetningu á Suðurlandi. Nánari upplýsingar veitir formaður stjórnar SASS, Anton Kári Halldórsson, anton@hvolsvollur.is

Umsækjendur sendi kynningarbréf og starfsferilsskrá í gegnum ráðningarvefinn, alfred.is

Umsóknarfrestur er til og með 17. febrúar 2025.