Yfirlýsing vegna réttargeðdeildar að Sogni

Yfirlýsing Samtaka sunnlenskra sveitarfélaga

Samtök sunnlenskra sveitarfélaga mótmæla harðlega þeirri  ákvörðun forráðamanna Landspítalans háskólasjúkrahúss að leggja niður réttargeðdeildina á Sogni.  Ákvörðunin  er illskiljanleg.því ekki hefur verið sýnt fram á hagræði þess að flytja starfsemina á höfuðborgarsvæðið og sparnaður  i meira lagi vafasamur auk þess sem að fyrir liggur að leggja þarf í stofnkostnað  til að tryggja deildinni þá umgjörð sem þarf á nýjum stað.    Samtökin mótmæla tilflutningi starfa af landsbyggðinni til höfuðborgarsvæðisins sem er í hróplegri mótsögn við yfirlýsta byggðastefnu stjórnvalda. Á réttargeðdeildinni starfa nú um 30 starfsmenn með búsetu i Árborg, Hveragerði , Ölfusi og Flóahreppi og því um verulegt högg að ræða fyrir atvinnulíf þess svæðis.