Manúela Maggý Morthens tekst á við lífið í gegnum tónlistina í Upptaktinum

Hin 14 ára gamla Manúela Maggý Friðjónsdóttir Morthens úr Grunnskólanum á Hellu komst áfram í Upptaktinum 2024 með lagið sitt "HEAL". Lagið fjallar um erfiðleika í lífinu og hvernig hægt er að finna von og traust þegar allt virðist vonlaust.

Myndband frá Upptaktinum af viðtali við Manúelu Maggý og tónverkið "HEAL"

Manúela Maggý segir að Upptakturinn hafi kennt henni mikilvægi þess að vinna með öðrum í tónlist. Það er hægt að skapa svo mikið með öðru fólki, segir hún. Hún hvetur jafnframt ungt fólk til að elta drauma sína því ekkert geti stoppað þau nema þau sjálf.

Í laginu "HEAL" tekst Manúela Maggý á við þá tilfinningu þegar einhver brýtur á manni og maður finnst maður vera einn í heiminum. Lagið lýsir því hvernig eitthvað eða einhver getur komið inn í líf manns og gefið manni von og traust á ný.

Manúela Maggý byrjaði að semja tónlist og texta þegar hún var komin lengra inn í lífið og skildi betur hvað það þýddi. Hún var eini fulltrúi Suðurlands í Upptaktinum á síðasta ári en þátttakan hennar var hluti af Sóknaráætlun Suðurlands.

Upptakturinn er árlegur viðburður haldinn í Hörpu þar sem ungmenni í 5. - 10. bekk fá tækifæri til að senda inn eigin tónsmíðar. Þau sem komast áfram taka þátt í tónlistarsmiðju með nemendum Listaháskóla Íslands og fá að vinna með fagfólki í tónlist. Lokahnykkurinn er svo flutningur verkanna á tónleikum í Hörpu.

Hvernig á að skrá sig í Upptaktinn 2025:

Ungmenni í 5.-10. bekk geta sent inn hugmyndir að tónsmíðum í því formi sem þau kjósa, á upptöku eða með hefðbundinni eða óhefðbundinni nótnaskrift. Hugmyndir skulu berast ekki seinna en 21. febrúar á netfangið upptakturinn@gmail.com með nafni höfundar, aldri, símanúmeri, tölvupóstfangi, grunnskóla, titli verks og verkinu á nótum og/eða MP3 hljóðskrá.

Nánari upplýsingar er að finna á vef Upptaktsins: www.harpa.is/upptakturinn