fbpx

Samtök sunnlenskra sveitarfélaga (SASS) stóðu fyrir opnum kynningarfundi um Uppbyggingarsjóð Suðurlands fimmtudaginn 4. febrúar 2021. Fundurinn var í beinu streymi á ZOOM og eru allir áhugasamir hvattir til að horfa á upptökuna hér að neðan þar sem farið er yfir markmið, áherslur og umsóknarferli sjóðsins ásamt því að ráðgjöf SASS var kynnt.

Sjóðurinn er nú opinn fyrir umsóknir og rennur umsóknarfrestur út 2. mars 2021 kl. 16:00. Um er að ræða fyrri úthlutun þessa árs. Sjóðurinn hefur það hlutverk að veita verkefnastyrki sem skiptast í tvo flokka, annars vegar atvinnu og nýsköpun og hins vegar menningu.

 

Umsækjendur og aðrir áhugasamir eru velkomnir að hafa samband við ráðgjafa á vegum SASS og fá aðstoð og/eða leiðbeiningar við gerð umsókna. Hægt er að fá upplýsingar um ráðgjöfina á vefsíðu SASS, einnig má hafa samband í síma 480-8200 eða með því að senda fyrirspurn á netfangið styrkir@sudurland.is

Nánari upplýsingar um sjóðinn hér

Umsóknir skulu berast fyrir kl. 16.00 þann 2. mars 2021