Til baka í yfirlit
11. nóvember 2013
473. fundur stjórnar SASS
haldinn að Austurvegi 56, Selfossi föstudaginn 8. nóvember 2013, kl. 12.30
Mætt: Gunnar Þorgeirsson, Gunnlaugur Grettisson, Unnur Þormóðsdóttir, Helgi S. Haraldsson, Haukur Guðni Kristjánsson, Reynir Arnarson (í síma), Sigríður Lára Ásbergsdóttir, Jóhannes Gissurarson (í síma), Þorvarður Hjaltason framkvæmdastjóri og Þórður F. Sigurðsson sem sem ritaði fundargerð. Sandra Dís Hafþórsdóttir og varamaður hennar boðuðu forföll.
Dagskrá
1. Fundargerð aðalfundar, ályktanir og samþykktir.
Farið yfir fundargerð og ályktanir. Nánari tillaga að úrvinnslu ályktana verður lögð fram á næsta fundi.
2. Aðgerðaáætlun fyrir næsta starfsár.
Drög lögð fram. Samþykkt að ganga frá aðgerðaáætlun á næsta stjórnarfundi í samræmi við umræður á fundinum.
3. Minnisblað vegna fundar formanns og framkvæmdastjóra með fjárlaganefnd Alþingis 1. nóvember sl.
Formaður og framkvæmdastjóri skýrðu frá fundinum.
4. Bréf frá formanni stýrinets stjórnarráðsins, dags. 23. október sl., varðandi breytingar á Sóknaráætlun Suðurlands ásamt greinargerð stýrinetsins til fjármálaráðuneytisins um framkvæmd og eftirfylgni með samningum um sóknaráætlanir landshluta.
Samkvæmt bréfinu er heimilað að verkefninu um ,,Bændamarkað Suðurlands” verði breytt og hluti fjármuna sem til þess var ætlaður verði varið til verkefnisins ,,Upplýsingagátt Suðurlands”.
5. Áfangaskýrsla Fræðslunets Suðurlands, dags. 10. október 2013, vegna verkefnisins um uppbyggingu símenntunar.
Til kynningar.
6. Verksamningur við Kosmos og Kaos vegna Upplýsingagáttar Suðurlands, dags. 18. október sl.
Samningurinn staðfestur.
7. Styrkveitingar – seinni úthlutun.
- Þórður Sigurðsson kynnti að alls hefðu borist 142 umsóknir. Þar af hafa um 100 umsóknir verðið metnar gildar og fullnægja þeim skilyrðum sem voru sett. Styrkveitingar munu nema samtals um 50 milljónum króna. Stefnt er að því að sameiginleg úthlutunarnefnd SASS og VSS komi saman fljótlega. Tillaga nefndarinnar verður lögð fyrir stjórnir eigi síðar en 22. nóvember nk.
- Kosning tveggja varamanna í sameiginlega úthlutunarnefnd SASS og VSS. Gunnlaugur Grettisson kosinn varamaður Hauks Guðna Kristjánssonar og Unnur Þormóðsdóttir varamaður Söndru Dísar Hafþórsdóttur.
8. Bréf frá atvinnuvega- og nýsköpunarráðuneytinu, dags. 24. október 2013, varðandi lok núverandi Vaxtarsamnings.
Til kynningar. Framkvæmdastjóri greindi frá fundi með fulltrúa atvinnuvega- og nýsköpunarráðuneytisins um málið. Enn er óljóst hvernig fyrirkomulagi framlaga ríkisins verður háttað á næsta ári.
9. Þjónustusamningur SASS og Eignarhaldsfélags Suðurlands, dags. 17. október 2013.
Til kynningar.
10. Fundargerðir Fagráðs Sérdeildar Suðurlands frá 18. júní og 30. október sl.
Til kynningar.
11. Fundargerðir Sambands íslenskra sveitarfélaga
Til kynningar
Fundi slitið kl. 14.30
