Opinn kynningarfundur í fundarsal Heilbrigðisstofnunar Suðurlands

Heilbrigðisstefna til ársins 2030

Opinn kynningarfundur í fundarsal Heilbrigðisstofnunar Suðurlands.
14. ágúst kl. 17 – 19.
Heilbrigðisstefna – stefna fyrir íslenska heilbrigðisþjónustu til ársins 2030
var samþykkt á Alþingi 3. júní síðastliðinn. Þetta eru mikilvæg tímamót
fyrir heilbrigðisþjónustuna í landinu. Á fundinum verður fjallað um hvað
felst í stefnunni, hvaða breytingar hún er líkleg til að hafa í för með sér og
hvers vegna hún skiptir svo miklu máli, hvort heldur í þéttbýli eða í
dreifðari byggðum landsins.
Heilbrigðisstefnan verður kynnt í öllum heilbrigðisumdæmum landsins, en
fundurinn á Suðurlandi er þriðji í röðinni.

Drög að dagskrá:

•  Svandís Svavarsdóttir heilbrigðisráðherra kynnir stefnuna
• Herdís Gunnarsdóttir, forstjóri Heilbrigðisstofnunar Suðurlands – Sýn forstjóra
• María Heimisdóttir, forstjóri Sjúkratrygginga Íslands – Áhrif heilbrigðisstefnu á hlutverk og starfsemi SÍ.
• Pallborðsumræður Auk frummælenda taka þátt í pallborðsumræðum: - Eva Björk Harðardóttir, sveitarstjóri í Skaftárhreppi og formaður Samtaka sunnlenskra sveitarfélaga - Ásthildur Knútsdóttir, skrifstofustjóri skrifstofu gæða og forvarna í heilbrigðisráðuneytinu
• Heilbrigðisráðherra – samantekt
• Fundarslit

Fundarstjóri: Aldís Hafsteinsdóttir, bæjarstjóri Hveragerðisbæjar og
formaður Sambands íslenskra sveitarfélaga

Fundurinn er öllum opinn og aðgangur ókeypis.
Fundurinn verður einnig sendur beint út á facebooksíðu Heilbrigðisstofnunar Suðurlands.