Til baka í yfirlit
29. janúar 2010
Kaflinn á Suðurlandsvegi boðinn út á næstunni

Boðinn verður út á næstu vikum vegarkaflinn á Suðurlandsvegi. Kristján L. Möller, samgöngu- og sveitarstjórnarráðherra, tilkynnti þetta á málstofu Vegagerðarinnar og ráðuneytisins 27. Janúar sl. Verkið felst í breikkun milli Fossvalla í Lögbergsbrekku ofan við Lækjarbotna og Draugahlíðarbrekku austan við Litlu kaffistofuna. Lengd útboðskafla er um 6,5 km. Að vestan tengist kaflinn núverandi þriggja akreina vegi um Lögbergsbrekku og að austan tengist hann núverandi 2+1 vegi um Svínahraun. Í verkinu er einnig lagfæring á öxlum núverandi vegar sem verður suðurakbraut. Eftir framkvæmdina verður Suðurlandsvegur með aðskildar akstursstefnur samfellt allt milli Fossvalla og vegamóta við Hamragilsveg eða um 11,3 km kafli alls. Útboðsgögn verða tilbúin í febrúar og boðið verður út á Evrópska efnahagssvæðinu. Miðað er við að semja við verktaka í maí. Verklok eru áætluð 1. október 2011.

Fleiri fréttir

10. nóvember 2026
SASS og Sinfóníuhljómsveit Suðurlands í samstarfi við Þjóðaróperuna
Lesa nánar

10. nóvember 2026
Fyrsta Nýsköpunarstefna Suðurlands kynnt á Uppsprettu: Mikill kraftur í sunnlensku atvinnulífi
Lesa nánar

5. nóvember 2026
Selfoss og Suðurland, hvert stefnir? Málþing 10.nóvember
Lesa nánar

3. nóvember 2026
Ársþing SASS 2026: Fjölmargar ályktanir samþykktar um eflingu landshlutans
Lesa nánar