Styrkjagátt SASS opnuð: Allir sjóðir á einum stað

Samtök sunnlenskra sveitarfélaga hafa opnað nýja og gagnvirka styrkjagátt á vef sínum. Gáttin veitir heildaryfirsýn yfir íslenska og norræna sjóði og mun stórauðvelda sunnlensku atvinnulífi, frumkvöðlum og félagasamtökum að sækja um fjármagn til spennandi verkefna.

Einfaldara að finna rétta sjóðinn

Einn helsti kostur nýju gáttarinnar er gagnvirkt yfirlit þar sem notendur geta flokkað og leitað að sjóðum sem henta nákvæmlega þeirra viðfangsefni. Með því að flokka sjóðina er komið til móts við ólíkar þarfir umsækjenda. Flokkarnir eru eftirfarandi:

Sveitarfélög
Fyrirtæki
Frumkvöðlar
Félagasamtök
Íþróttafélög
Skólar og rannsóknir
Listafólk
Einstaklingar

Upplýsingar og umsóknarfrestir

Gáttin er hönnuð til að veita allar nauðsynlegar grunnupplýsingar á einum og sama staðnum. Notendur geta séð tilgang hvers sjóðs ásamt því að fylgjast með umsóknarfrestum. Þá fylgja beinir hlekkir inn á heimasíður sjóðanna.

Styrkir stoðir undir sunnlenskt samfélag

Hlutverk SASS er að styðja við og efla byggðaþróun í öllum landshlutanum. Með Styrkjagáttinni vill SASS stuðla að því að hugmyndir heimamanna strandi ekki á skorti á upplýsingum um fjármögnun. Öflug upplýsingamiðlun sem þessi er hluti af því að styrkja samkeppnisstöðu Suðurlands á landsvísu, styðja við frumkvöðla- og menningarstarf ásamt því að auðvelda innviðauppbyggingu.

Öll áhugasöm eru hvött til að kynna sér nýju Styrkjagáttina á vef SASS og nýta sér þennan nýja vettvang til að láta hugmyndir verða að veruleika.

Styrkjagátt SASS