Back to overview
13. maí 2014
479. fundur stjórnar SASS
haldinn að Austurvegi 56 Selfossi þriðjudaginn 13. maí 2014, kl. 12.00
Mætt: Gunnar Þorgeirsson, Unnur Þormóðsdóttir, Haukur Guðni Kristjánsson, Reynir Arnarson, Elín Einarsdóttir varamaður Jóhannesar Gissurarsonar, Gunnlaugur Grettisson, Sigríður Lára Ásbergsdóttir, Sandra Dís Hafþórsdóttir, Helgi S. Haraldsson og Þorvarður Hjaltason framkvæmdastjóri sem ritaði fundargerð.
1. Ársreikningur SASS 2013
Rekstrarafkoma var jákvæð um kr. 24.051.447, eigið fé nam kr. 74.166.964 og handbært fé í árslok kr. 101.578.724.
Ársreikningurinn undirritaður.
2. Tímsetning aukaðalfundar í júní og ársþings í október.
Samþykkt að halda aukaaðalfund SASS á Selfossi 2. júlí nk. og ársþing SASS á Kirkjubæjarklaustri 23. og 24 október nk.
3. Staða reksturs jan – mars 2014
Helstu rekstrartölur kynntar. Rekstur er innan áætlunar.
4. Almenningssamgöngur
a. Yfirlit reksturs jan – mars.
Rekstrartölur kynntar. Rekstrarafkoma er jákvæð það sem af er ári. Stjórn SASS samþykkir að óska eftir því að framlög Alþingis hækki á næsta ári sem nemur hækkun á endurgreiðsluhlutfalli olíugjalds. Ef fram fer sem horfir þá mun sú upphæð verða rúmar 10 milljónir króna á þessu ári.
b. Skýrsla til Vegagerðarinnar, dags. 3. apríl 2014 um rekstur almenningssamgangna á Suðurlandi 2012 og 2013.
Til kynningar.
5. Menntalestin á Suðurlandi – lokaskýrsla
Til kynningar.
6. Leyndardómar Suðurlands – lokaskýrsla
Til kynningar.
7. Sóknaráætlanir landshluta – staða mála
Fyrir liggur minnisblað frá stýrineti ráðuneyta um útdeilingu fjármagns sem tilheyrir vaxtarsamningum og sóknaráætlunum landshluta. Samkvæmt því verður framlag til Vaxtarsamnings Suðurlands á þessu ári kr. 33.250.000 og framlag til Sóknaráætlunar Suðurlands kr. 12.936.000. Einnig lagt fram afrit af bréfi innanríkisráðuneytisns til atvinnu- og nýsköpunarráðuneytisins, dags. 31. mars 2014, þar sem fram kemur að tekin hafi verið ákvörðun um breytt verklag og verkaskiptingu vegna samráðs ráðuneyta og Sambands íslenskra sveitarfélaga í samskiptum við landshlutasamtök um landshlutaáætlanir. Breytingin felur einnig í sér að atvinnu- og nýsköpunarráðuneytið fer með byggðamál undir yfirstjórn sjávarútvegs- og landbúnaðaráðherra. Hann tekur því við öllum verkefnum sem falin voru stýrineti ráðuneyta undanfarin tvö ár. Þá var kynnt álit atvinnuveganefndar um tillögu til þingsályktunar um byggðastefnu en þar lýsir nefndin vonbrigðum með lækkun framlaga til sóknaráætlana á þessu ári og jafnframt leggur nefndin til að auknum fjármunum verði varið til til sóknaráætlunar.
Stjórn SASS telur að stjórnvöld séu á réttri leið með málið og hvetur til þess að unnið verði ötullega að nýjum sameiginlegum samningi um framlög til atvinnu- og menningarmála fyrir næstu 3 ár þar sem framlög verði hækkuð verulega frá því sem nú er og verði að lágmarki jafnhá framlögum ársins 2013.
8. Drög að samningi um framlög til byggðaþróunar 2014 (vaxtarsamningur, sóknaráætlun)
Formanni falið að undirrita samninginn fyrir hönd SASS.
9. Drög að samningi við Byggðastofnun
Framkvæmdastjóra falið að undirrita samninginn.
10. Athugasemdir landshlutasamtakanna vegna menningarsamninga 2014, dags. 27. mars 2014
Stjórn SASS lýsir yfir undrun sinni á þeim seinagangi sem orðið hefur í mennta- og menningarmálaráðuneytinu við gerð menningarsamninga fyrir árið 2014. Sú seinkun sem orðið hefur er þegar farin að valda vandræðum í störfum menningarráða og styrkjum til menningarmála. Stjórn SASS ítrekar þá afstöðu sína að skipting framlaga til menningarsamninga verði byggð á gegnsæjum reglum þar sem sanngjarnt tillit verði tekið til stærðar svæða og íbúafjölda. Stjórnin hvetur til að málinu verði hraðað eins og kostur er.
11. Brothættar byggðir – staða verkefnis í Skaftárhreppi
Til kynningar.
12. Hjúkrunarrými á Suðurlandi – staða mála
Unnur gerði grein fyrir biðlistum eftir hjúkrunar- og hvíldarrýmum:
Í heilbrigðisumdæmi Suðurlands eru 23 einstaklingar á biðlista eftir hjúkrunarrými, þar af 12 í Árnessýslu, 6 í Rangárvallasýslu, 3 í Vestmannaeyjum og 2 á Höfn í Hornafirði. Á biðlista eftir hvíldarými eru 43 einstaklingar; 22 í Árnessýslu, 8 í Rangárvallasýslu, 8 í Vestmannaeyjum og 5 á Kirkjubæjarklaustri. Taka skal fram að hluti af þeim sem bíða eftir hvíldarrými eru á biðlista eftir hjúkrunarrými.
Stjórn SASS samþykkti samhljóða eftirfarandi ályktun:
,,Í ljósi þess að langir biðlistar eru eftir hjúkrunarrýmum á Suðurlandi ítreka Samtök sunnlenskra sveitarfélaga enn og aftur ósk um að heilbrigðisráðherra skipi starfshóp með þátttöku sveitarfélaganna á Suðurlandi um stefnumörkun og framkvæmdaáætlun um uppbyggingu aukins hjúkrunarýmis á Suðurlandi. Stefnumörkunin taki mið af þörf fyrir nýtt hjúkrunarrými skv. biðlistum, endurnýjun eldra húsnæðis (einsmannsstofur í stað fjölbýla) og byggingu nýrra hjúkrunarrýma í stað ónothæfs húsnæðis. Jafnframt verði kannaðir möguleikar á aukinni heimahjúkrun.“
13. Bréf frá Jöfnunarsjóði sveitarfélaga, dags. 3. apríl 2014, um framlög til landshlutasamtaka 2014
Samkvæmt bréfinu mun framlag Jöfnunarsjóðs til SASS nema kr. 23.400.000 á þessu ári.
14. Ársskýrsla og ársreikningur Fræðslunets Suðurlands fyrir árið 2013. https://www.fraedslunet.is/images/stories/skjol/arsskyrsla%202013.pdf
Til kynningar.
15. Fundargerðir Markaðsstofu Suðurlands frá 1. apríl og 2. maí sl.
Til kynningar.
16. Fundargerðir stjórnar Sambands íslenskra sveitarfélaga
Til kynningar.
17. Fundargerðir landshlutasamtakanna
Til kynningar.
Fundi slitið kl. 14:45
