Atvinnuskapandi nemendaverkefni á Suðurlandi er eitt af áhersluverkefnum Sóknaráætlunar Suðurlands og er ætlað að hvetja til samstarfs milli nemenda og fyrirtækja, stofnana og sveitarfélaga á Suðurlandi. Nemendur vinna raunhæf verkefni, til dæmis lokaverkefni, með það að markmiði að vinnan leiði til atvinnu- og/eða nýsköpunar á Suðurlandi. Nemendur geta sótt um styrk til að vinna að verkefnunum og fyrirtæki, stofnanir, sveitarfélög og nemendur geta lagt til verkefni.
Fyrir hverja?
- Fyrirtæki, stofnanir og sveitarfélög geta lagt til verkefnatillögur að nemendaverkefnum
- Nemendur geta sótt um styrk til að vinna að verkefnum og fengið aðstoð við að finna samstarfsaðila
Ertu nemandi í leit að verkefnahugmynd fyrir lokaverkefni?
Skoðaðu verkefnatillögur á vef SASS og sæktu um. Ráðgjafar á vegum SASS koma þér í samband við viðkomandi aðila og umsókn þín um styrk verður metin.
Senda inn tillögu að verkefni:
Fyrirtæki, stofnanir, sveitarfélög og aðrir sem hafa góðar hugmyndir að verkefnum sem mögulega væri hægt að vinna í samstarfi fyrirtækis og nemenda eru hvattir til að senda inn tillögu.
Ertu nemandi með með hugmynd að lokaverkefni sem snýr að atvinnuþróun eða nýsköpun á Suðurlandi?
Settu þig í samband við ráðgjafa á vegum SASS sem munu aðstoða þig við að komast í samband samstarfsaðila. Ef samstarfsaðili finnst að verkefninu getur nemendi sótt um styrk til að vinna að verkefninu.
Markmið Atvinnuskapandi nemendaverkefna:
- Að auka vægi nemendaverkefna er lúta að atvinnuuppbyggingu á Suðurlandi.
- Að auka samvinnu og tengingu nemenda við fyrirtæki, stofnanir og sveitarfélög á Suðurlandi.
- Að verkefnin leiði til atvinnuuppbyggingar, aukinnar framlegðar, bættrar þjónustu eða útvíkkunar á starfsemi eða þjónustu á Suðurlandi.
- Að nemendur kynnist starfsumhverfi fyrirtækja og stofnana á Suðurlandi.
- Að nemendum gefist frekari tækifæri á að ráðast til vinnu að lokinni útskrift á Suðurlandi.
- Að til verði verkfæri fyrir hagsmunaaðila á Suðurlandi til að koma hugmyndum af stað fyrstu skrefin með aðstoð nemenda.
Við mat á umsóknum frá nemendum er horft til eftirfarandi matsþátta:
- Hversu mikla sunnlenska tengingu/áhrif hefur verkefnið
- Hvernig verður samvinnu milli nemanda og fyrirtækis háttað
- Hversu líklegt er að verkefnið leiði af sér atvinnu- og/eða nýsköpun
Enginn umsóknarfrestur. Styrkumsóknir eru metnar jafnóðum og þær berast í gegnum umsóknarform á heimasíðu SASS.
Nánari upplýsingar veita ráðgjafar á vegum SASS. Upplýsingar um ráðgjafa og verkefnið er að finna á heimasíðu SASS eða með fyrirspurn á netfangið styrkir@sass.is