Fjörugt samtal á fyrsta samráðsfundinum á Höfn

4. september 2018

Fyrsti samráðsfundur SASS um brýn viðfangsefni á sviði umhverfis- og auðlindamála, var haldinn 29. ágúst í Nýheimum á Höfn. Þátttaka var mjög góð og umræður fjörugar þar sem fundarmenn skiptust á skoðunum um hvaða mál væru mikilvægust.

Helstu niðurstöður voru síðan dregnar fram í lok fundar. Beðið verður með að kynna niðurstöðurnar þar til allir samráðsfundirnir hafa verið haldnir, svo allir byrji á sömu blaðsíðu.

Í upphafi fundar kynnti Guðlaug Ósk Svansdóttir verkefnið f.h. SASS og Halldóra Hreggviðsdóttir hjá ráðgjafarfyrirtækinu Alta ræddi um leiðir í stefnumörkun og mögulegan ábata af vel ígrundaðri stefnu, með nokkrum dæmum.

Næstu fundir:

Hveragerði, 4. september, kl. 12:00 – 14:00.
Hótel Örk – súpufundur.
Vík, 5. september, kl. 11:00 – 13:00.
Hótel Vík – súpufundur.
Flúðum, 5. september, kl. 16:00 – 18:00.
Hótel Flúðir – kaffiveitingar.
Hvolsvelli, 11. september, kl. 16:00 -18:00.
Félagsheimilinu Hvoli – kaffiveitingar.
Vestmannaeyjum, 12. september, kl. 11:30 – 13:30.
Þekkingarsetri Vestmannaeyja – súpufundur.
Kirkjubæjarklaustri, 12. september, kl. 20:00 – 22:00.
Félagsheimilið Kirkjuhvoll – kaffiveitingar.

Við hvetjum kjörna fulltrúa, íbúa og aðra hagsmunaraðila til að taka þátt í að móta umhverfis- og auðlindastefnu fyrir Suðurland. Skráning fer fram hér.